A Orde da Ameixa recoñece a Rosa Quintana, Javier Gago, Rosa Abuín e á Autoridade Portuaria

O Consello Xeral da Orde da Ameixa decidiu nomear Dona e Cabaleiro da entidade á conselleira de Pesca, Rosa Quintana, e ó ex alcalde de Vilagarcía, Javier Gago López. Coa concesión do seu máximo galardón, a Orde recoñece a labor que estas dous persoas realizaron en defensa, promoción e exaltación da Ameixa de Carril e da Festa da Ameixa.

A lista de distincións que se outorgan con motivo da décimo oitava edición da Festa da Ameixa inclúe a concesión das Ameixas de Ouro e Prata, que nesta ocasión recaen na institución da Autoridade Portuaria de Vilagarcía, e na concelleira de Promoción Económica e Innovación e veciña de Carril, Rosa Abuín. Os galardóns complétanse coa concesión do título de Parquista de Honra á persoa de Secundino Abelenda Ares e do do Parquista Xoven á de Lucía Tourís Otero.

Os nomeamentos e persoas nas que recaen cada ano as distincións da Orde da Ameixa decídeas o Consello Xeral da entidade un órgano composto polo Gran Maestre, o Cultivador Maior, o Comendador, o secretario, o Sementeiro, o Lustrador e o Orde. A entrega dos títulos coa imposición das enseñas que os caracterizan celebrarase o domingo 22 de agosto a partir do mediodía na Praza da Liberdade de Carril, no transcurso dos actos principias previos á degustación da XVIII Festa da Ameixa de Carril.

Fuente: www.ivilagarcia.com