ORDE do 24 de setembro de 2013 pola que se acorda a denegación da prórroga e a extinción de diversas concesións administrativas que amparan os parques de cultivo de moluscos da zona do Carril, distrito marítimo de Vilagarcía de Arousa (Pontevedra).

ORDE do 24 de setembro de 2013 pola que se acorda a denegación da prórroga e a extinción de diversas concesións administrativas que amparan os parques de cultivo de moluscos da zona do Carril, distrito marítimo de Vilagarcía de Arousa (Pontevedra).

Vistas as peticións de prórroga das concesións que se citan no anexo, resulta:

Antecedentes de feito:

Primeiro. Por Orde do Ministerio de Comercio do 7 de outubro de 1975 (BOE núm. 254) outórganse 930 concesións administrativas para a instalación doutros tantos parques de cultivo de moluscos na zona do Carril, distrito marítimo de Vilagarcía de Arousa, en precario e por un prazo de 10 anos, prorrogables por petición dos interesados.

Por Orde do Ministerio de Comercio do 31 de decembro de 1975 (BOE núm. 29, do 3 de febreiro de 1996) outórgase concesión administrativa a Ventura Vidal Longa para instalar un parque de cultivo de moluscos no distrito marítimo de Vilagarcía de Arousa, cunha superficie de 400 metros cadrados do dominio público, conforme o proxecto e planos que van unidos ao expediente número 10.137.

Segundo. Mediante Decreto 158/1991, do 16 de maio, declárase de interese marisqueiro e urxente execución a revisión e reordenación dos citados parques de cultivo, co obxecto de proceder a unha regularización da situación de feito existente, á revisión das circunstancias de titularidade dos parques e á oportuna reordenación que adecue a súa situación e superficie a unha explotación máis racional dos recursos.

Terceiro. Aprobada a fase de revisión do citado proceso por Resolución da Dirección Xeral de Marisqueo e Acuicultura do 26 de decembro de 1995, cómpre proceder ao inicio da fase de reordenación, da cal xurdirán as novas concesións, para o que resulta inescusable desestimar, neste momento do proceso, tales peticións de prórroga.

Fundamentos xurídicos:

Primeiro. Este órgano é competente para resolver tales peticións de conformidade co disposto no Real decreto 3318/1982, do 24 de xullo, sobre traspaso de funcións e servizos da Administración do Estado á Comunidade Autónoma de Galicia en materia de pesca e na Lei 11/2008, do 3 de decembro, de pesca de Galicia.

Segundo. Tendo en conta que o prazo de vixencia das concesións administrativas que amparan os citados parques expirou e que, de conformidade co disposto na letra a) do artigo 55 da Lei 11/2008, do 3 de decembro, de pesca de Galicia, as concesións extinguiranse polo vencemento do prazo de vixencia, sen ter solicitado ou obtido prórroga.

Por todo o anterior, esta consellería, facendo uso das súas atribucións e competencias, acorda denegar as prórrogas solicitadas e proceder, de conformidade co artigo 55 da Lei 11/2008, do 3 de decembro, de pesca de Galicia, á extinción das concesións relacionadas no anexo a esta orde.

Contra esta resolución, que esgota a vía administrativa, as persoas interesadas poderán interpoñer recurso potestativo de reposición perante a conselleira do Medio Rural e do Mar, no prazo dun mes contado desde o día seguinte ao da súa publicación no Diario Oficial de Galicia, de conformidade co establecido na Lei 30/1992, do 26 de novembro, na súa nova redacción dada pola Lei 4/1999, do 13 de xaneiro, ou poderán impugnala directamente perante o xulgado do contencioso-administrativo competente no prazo de dous meses contados a partir da mesma data, segundo o establecido na Lei 29/1998, do 13 de xullo, reguladora da xurisdición contencioso-administrativa.

Disposición derradeira

Esta orde entrará en vigor o día seguinte ao da súa publicación no Diario Oficial de Galicia.

Santiago de Compostela, 24 de setembro de 2013

Rosa Quintana Carballo
Conselleira do Medio Rural e do Mar

ANEXO

Orde do 7 de outubro de 1975 (BOE núm. 254) pola que se outorgan 930 concesións administrativas para instalación doutros tantos parques de cultivo de moluscos na zona do Carril, distrito marítimo de Vilagarcía de Arousa.

Parcela núm.	Nome	Superficie m²
162	Francisco Dacuña Barreiro	211
259	Secundino Abelenda Ares	227
295	Ramón Regueira Ríos	64
385	Crespo, Rivas y Varela, S.L.	144
453	Carlos Rivas Hernández	206
511	Ramón Melón García	178
686	Flora Rodríguez Otero	162
694	Flora Rodríguez Otero	205
868	Antonio Mollinedo Rey	123
919	Benigno Santos e Manuel Vázquez González	221

Orde do 31 de decembro de 1975 (BOE núm. 29, do 3 de febreiro de 1996) pola que se outorga concesión administrativa a Ventura Vidal Longa para instalar un parque de cultivo de moluscos no distrito marítimo de Vilagarcía de Arousa.

Parcela núm.	Nome	Superficie m²
10.137	Ventura Vidal Longa	400

Dog Núm.196 Luns,14 de outubro de 2013